Moldovada idman yarışları dayandırıldı

Moldovada koronavirus pandemiyası ilə əlaqədar bütün idman yarışları qeyri-müəyyən müddətədək dayandırılıb.

Futbolxeber.az saytının məlumatına görə, bu barədə ölkənin İctimai Sağlamlıq üzrə Fövqəladə Komissiyası qərar qəbul edib.

Beləliklə, Moldovanın futbol üzrə Milli Diviziyası və A Diviziyasında bu gün keçirilməli olan bütün oyunlar baş tutmayacaq.

Ölkə yığmasının martın 25-də Farer adaları və martın 31-də İsrail milliləri ilə öz meydanında keçirməli olduğu qarşılaşmaların taleyi isə hələlik qeyri-müəyyəndir.

Qeyd edək ki, qərar martın 31-dək qüvvədə olacaq.