“Real” çempionluğunu rəsmiləşdirdi

İspaniya La Liqasında 2019/2020 mövsümünün qalibi müəyyənləşib.

Futbolxeber.az saytının məlumatına görə, qızıl medallara “Real” yiyələnib.

37-ci turda doğma meydanda "Vilyarreal"a 2:1 hesabı ilə qalib gəlib “Kral klubu” xallarının sayını 86-a yüksəldib. Bununla da, Zinəddin Zidanın komandası mövsümün bitməsinə 1 tur qalmış çempionluğu rəsmiləşdirib.

Bu, “Real”ın tarixində 34-cü dəfə ölkə çempionluğudur.

Qeyd edək ki, 37-ci turda "Osasuna"ya 1:2 hesabı ilə uduzan "Barselona" 79 xalla 2-ci, "Atletiko" 69 xalla 3-cüdür.