“Liverpul”un çempionluğu bu gün rəsmiləşə bilər

"Liverpul” İngiltərə Premyer Liqasının 31-ci turunda “Kristal Pelas”ı 4:0 hesabı ilə darmadağın edib.

Futbolxeber.az saytının məlumatına görə, bu qələbə sayəsində Yurgen Kloppun komandası 86 xalla turnir cədvəlinin vahid lideridir.

“Liverpul” ən yaxın izləyicisi, 1 oyun az keçirən “Mançester Siti”ni 23 xal qabaqlayır. Mançester təmsilçisi bu gün səfərdə “Çelsi”nin qonağı olacaq.

Bakı vaxtı ilə 23:15-də start götürəcək qarşılaşma “Liverpul” üçün də mühüm əhəmiyyət kəsb edir. Çünki “Mançester Siti” bu gün xal itirəcəyi təqdirdə, son 7 turun nəticələrindən asılı olmayaraq “Liverpul” çempionluğunu rəsmiləşdirəcək.

Qeyd edək ki, buna qədər 18 dəfə ölkə çempionu olan “Liverpul” son dəfə 1989/90 mövsümündə qızıl medallara sahib çıxıb. Yarış Premyer Liqa adlanandan sonra isə “qırmızılar” heç vaxt çempion ola bilməyiblər.