Paşayev "Şaxtyor"a qarşı oynadı

Ukrayna Premyer Liqasında 27-ci turun oyunları keçirilib.

Futbolxeber.az saytının məlumatına görə, Azərbaycan yığmasının müdafiəçisi Pavel Paşayevin çıxış etdiyi “Aleksandriya” səfərdə Donetsk “Şaxtyor”u ilə qarşılaşıb.

Futbolçumuzun komandası bu oyundan 2:3 hesablı məğlubiyyətlə ayrılıb.

Start heyətdə meydana çıxıb Paşayev sonadək mübarizə aparıb. Millimizin üzvü 59-cu dəqiqədə sarı vərəqə ilə cəzalanıb.

Qeyd edək ki, “Aleksandriya” 27 turdan sonra 43 xalla çempionluq uğrunda mübarizə aparan ilk “altılıq”da 5-ci pillədə qərarlaşıb.