La Liqada belə erkən 100 oyunda qapısını toxunulmaz saxlayan olmamışdı

“Atletiko”nun qapıçısı Yan Oblak La Liqanın 29-cu turunda “Osasuna”ya qarşı keçirilən oyunda qapısını toxunulmaz saxlayıb (5:0).

Futbolxeber.az saytının məlumatına görə, sloveniyalı qolkiper İspaniya çempionatı çərçivəsində 100-cü oyunda qapısını toxunulmaz saxlayıb.

Bununla da Oblak rekorda imza atıb. Belə ki, o, La Liqa tarixində 100-cü quru oyuna ən qısa zamanda nail olan qapıçı adına sahib çıxıb. Bu göstərici üçün Oblaka 182 matç kifayət edib.

Buna qədər rekord “Barselona” və “Atletiko”nun qapıçısı Migel Reynaya məxsus idi. 70-ci illərdə o, 222-ci görüşdə 100-cü dəfə qapısını toxunulmaz saxlamağa müvəffəq olmuşdu.

Ümumilikdə, Oblak La Liqada 100 quru oyun həddinə çatan 21-ci, amma bunu bacaran ilk legioner qapıçı olub.