“Nyukasl”dan italiyalı hücumçuya 55 milyonluq təklif

“Latsio”nun hücumçusu Çiro İmmobile karyerasını “Nyukasl”da davam etdirə bilər.  

Futbolxeber.az saytının “La Gazzetta dello Sport”a istinadən verdiyi məlumata görə, İngiltərə təmsilçisi 30 yaşlı hücumçunun keçidi üçün 55 milyon avro ödəməyə hazırdı.

İddia olunur ki, klub nümayəndələri artıq İmmobile ilə şəxsi müqaviləsinin detallarını razılaşdırıblar. İtaliyalı forvard 5 illik müqaviləyə imza atacaq və onun yeni klubundakı illik qazancı 8 milyon avro olacaq.

İmmobilenin “Latsio” ilə hələ 3 il qüvvədə olan sözləşməsi var. Onun hazırkı klubundakı qazancı “Nyukasl” təklif etdiyindən 2 dəfə az - 4 milyon avrodur.

Qeyd edək ki, cari mövsümü əla keçirən Çiro İmmobile 26 turdan sonra 27 qolla “A” seriyasının bombardiridir.