“Şalke” antirekorda imza atdı

Almaniya Bundesliqasının 31-ci turunda “Şalke” “Bayer Leverkuzen”lə heç-heçə oynayıb - 1:1.

Futbolxeber.az saytının məlumatına görə, bununla da Helzenkirhen klubunun Bundesliqadakı qələbəsiz oyunlar seriyası 13-ə çatıb. “Şalke” 13 oyundan 6-da heç-heçə edib, 7-də uduzub.

Bu, klubun tarixində antirekorddur. Buna qədər ən pis göstərici 1993-cü ildə qeydə alınmışdı. Həmin vaxt “Şalke” avqustun oktyabradək 12 oyunda qələbə qazana bilməmişdi.