"Fəxr edirəm ki, Azərbaycanı 4:0 hesabı ilə məğlub etdik"

“Hər dəfə meydana çıxanda, xüsusən də evdə oynayanda əhval-ruhiyyəmiz yaxşı olurdu, qalib gələcəyimizi hiss edirdik”.

Futbolxeber.az saytının xarici KİV-ə istinadən verdiyi məlumata görə, bu fikirləri Şimali İrlandiya yığmasının sabiq baş məşqçisi Maykl O`Nil deyib.

51 yaşlı mütəxəssis 2016-cı ildə Azərbaycanı məğlub etdikləri DÇ-2018-in seçmə mərhələsinin oyunundan da danışıb: “Fəxr edirəm ki, Azərbaycanı evdə 4:0 hesabı ilə məğlub etdik. Bu görüşdən sonra Xorvatiya ilə yoldaşlıq matçı keçirdik. Conni Evans ikinci övladı olduğu üçün evinə getdi, ancaq yoldaşlıq matçı üçün geri qayıtdı. Sadəcə keçmişdə belə olmazdı. Bu bağlılığı gördükdə bilirsən ki, düzgün istiqamətdə getmisən”.

Qeyd edək ki, Şimali İrlandiya millisi Azərbaycanı DÇ-2018-in seçmə matçında 4:0 hesablı məğlubiyyətə uğradıb. Maykl O`Nil bu yaxınlarda istefa verdiyini açıqlayıb.