Avroliqanın bərpa olunacağı və final görüşünün vaxtı açıqlandı

UEFA-nın koronavirus pandemiyası səbəbindən yarımçıq dayandırılmış Avroliqanın bərpası ilə hazırladığı plan məlum olub.

Futbolxeber.az saytının “Sky Sport İtalia”ya istinadən verdiyi məlumata görə, yarışın bərpası daxili birinciliklər başa çatdıqdan sonra reallaşacaq.

1/8 final mərhələsinin ilk oyunları çərçivəsində baş tutmayan “Sevilya” - “Roma” və “İnter” - “Xetafe” oyunları 2-3 avqust tarixlərində keçiriləcək. Avqustun 6-da isə bu mərhələnin bütün cavab qarşılaşmaları oynanılacaq.

Qitə futbol qurumu 1/4 final mərhələsinin görüşlərinin 10 və 13 avqustda keçirilməsinə qərar verib. Yarımfinal matçları isə 17 və 20 avqust tarixlərində baş tutacaq. Final görüşü avqustun 27-də, əvvəldən də nəzərdə tutulduğu kimi, Qdanskda oynanılacaq.