FİFA Tokio olimpiadası üçün yaş limitini artırdı

FİFA koronavirus pandemiyasına görə gələn il Tokioda keçiriləcək Olimpiya Oyunlarında futbol yarışı üçün yaş limitini artırıb.

Futbolxeber.az saytının “The Guardian”a istinadən verdiyi məlumata görə, ali futbol qurumu yaş limitini 23-dən 24-ə yüksəldib. Bu isə o deməkdir ki, 1 il sonraya keçirilməsinə baxmayaraq, yarışda yenə də 1997 və daha aşağı təvəllüdlü futbolçular mübarizə aparacaqlar. Eləcə də həmişəki kimi hər bir komanda limitdən daha yaşlı 3 futbolçunun xidmətindən yararlana biləcək.

Xatırladaq ki, Tokio Olimpiadasında 16 komanda yarışacaq. Bunlar Argentina, Braziliya, Fransa, Almaniya, İspaniya, Rumıniya, Yeni Zelandiya, Misir, Kot-d’İvuar, CAR, Avstraliya, Səudiyyə Ərəbistanı, Cənubi Koreya, Yaponiyadır. Daha 2 komanda isə KONKAKAF-da keçiriləcək seçmə mərhələ oyunlarından sonra müəyyənləşəcək.