“Ayaks”ın üzvü karantin rejimini pozub, küçədə futbol oynadı

“Ayaks”ın yarımmüdafiəçisi Kuinsi Promes koronavirus pandemiyası ilə bağlı karantin rejimini pozub.

Futbolxeber.az saytının xarici KİV-lərə istinadən verdiyi məlumata görə, 28 yaşlı futbolçu “Qroningen”in hücumçusu Dayşon Redanla birgə Amsterdam küçələrinin birində 10 nəfərlə birgə futbol oynayıb. Halbuki Niderdland hökumətinin qəbul etdiyi qərarə əsasən, küçədə kütləvi şəkildə toplaşmaq olmaz.

“Ayaks”ın futbolçusu hətta karantin rejimini pozmasını sosial şəbəkədə də paylaşıb. Belə ki, Promes küçədə futbol oynamasını ilə bağlı videonu “Snapchat”da yerləşdirib.

Artıq “Ayaks” və “Qorinengen” nümayəndələri məsələni araşdıracaqlarını bəyan ediblər.

Qeyd edək ki, dünənə qədər Niderlandda koronavirusa 11750 nəfər yoluxub ki, onlardan 864-ü həyatını itirib.