"Bavariya" "Çelsi"ni darmadağın etdi, "Barselona" məğlubiyyətdən qaçdı

Bu gün UEFA Çempionlar Liqasında 1/8 final mərhələsinin ilk oyunları çərçivəsində daha 2 görüş keçirilib.

Futbolxeber.az saytının məlumatına görə, "Çelsi" Londonda "Bavariya"nı qəbul edib. İlk yarısı qolsuz bərabərliklə keçən görüşdə "Bavariya" böyükhesablı qələbə qazanlb. İkinci hissədə ard-arda qollar vuran Münhen təmsilçisi səfərdə 3:0 hesablı qələbə qazanmaqla, cavab matçını formallığa çevirib. 

Günün digər matçı İtaliyada oynanılıb. "Napoli" doğma azarkeşlər önündə "Barselona"nı sınağa çəkib. İlk yarıda hesabda önə keçən meydan sahibləri qələbə hesabı qoruya bilməyiblər - 1:1.

Qeyd edək ki, bu komandalar arasındakı cavab görüşləri martın 18-də keçiriləcək.

Çempionlar Liqası

1/8 final mərhələsi, ilk oyunlar

25 fevral

"Çelsi" (İngiltərə) - "Bavariya" (Almaniya) 0:3

Qollar: Qnabri 51; 54, Levandovski 76

Qırmızı vərəqə: Alonso 83 ("Çelsi")

"Napoli" (İtaliya) - "Barselona" (İspaniya) 1:1

Qollar: Mertens 30 (1:0), Qrizmann 57 (1:1)

Qırmızı vərəqə: Vidal 89 ("Barselona")