“Barselona”nın futbolçusuna 2 oyunluq cəza: El Klasikoda oynamayacaq

İspaniya Futbol Federasiyası “Barselona”nın yarımmüdafiəçisi Usman Dembeleni cəzalandırıb.

Futbolxeber.az saytının məlumatına görə, La Liqanın 8-ci turunda “Sevilya” ilə görüşdə meydandan qovulan futbolçu 2 oyunluq cəzalanıb.

Həmin görüşdə komanda yoldaşına göstərilən qırmızı vərəqə ilə razılaşmayan Dembele hakimə etiraz edərək, onu təhqir etmişdi və nəticədə özü də referinin qəzəbinə tuş gəlib.  

Bununla da 22 yaşlı vinger oktaybrın 19-da “Eybar”la, 1 həftə sonra isə “Real”la görüşdə meydana çıxa bilməyəcək.