"Növbəti mövsümdə futbola qayıtmaq üçün hazıram"

Dakar rallisinə olan həvəsinə görə məşqçilik karyerasına ara verən Andre Villaş-Boaş futbola geri dönəcəyini açıqlayıb.

 

Futbolxeber.az saytının məlumatına görə, 41 yaşlı mütəxəssis növbəti mövsümdə karyerasına davam edəcəyini deyib:

 

“Ralli mənim böyük həvəsimdir. Futboldan kənar ən sevdiyim şey maşın yarışlarıdır. Ona görə də, futbola fasilə vermişdim.

 

Uzun müddətdi Portuda qalıram. Futboldan uzaq, əyləncəli vaxt keçirdim. Artıq növbəti mövsümdə futbola qayıtmaq üçün hazıram”.

 

Alman dilini öyrənməyə başladığını bildirən portuqaliyalı mütəxəssis, “Çin və Rusiyada dili öyrənməmişdim, amma Almaniya böyük bir bazardır və almanca bilmək gələcəkdə işimə yaraya bilər. Portuqal, italyan, fransız, ingilis və bir az da rusca bilirəm. İndi də almanca öyrənirəm” deyib. Villaş-Boaş məşqçilik karyerası ərzində “Portu”, “Çelsi”, “Tottenhem” kimi klublarda çalışıb. Onun futbola ara verməzdən əvvəl son klubu Çinin “Şanxay SİPG” komandası olub.