"Təəssüf ki, kubok qazana bilmədilər"

“Liverpul”un yay transfer pəncərəsi dövründə “Stok Siti”dən heyətinə qatdığı Xerdan Şakiri komandası haqqında danışıb.

 

Futbolxeber.az saytının məlumatına görə, isveçrəli futbolçu “qırmızılar”ın bu mövsüm Premyer Liqada uğur qazanmasının vacibliyini vurğulayıb: “Liverpul”un kuboklar uğrunda oynamaq hədəfi olmalıdır. Biz böyük komandayıq və böyük komandaların məqsədi kuboklar qazanmaqdı.

 

Premyer Liqa çox çətindi, çünki böyük klublar çoxdur. Buna görə, rəqabət də böyükdür. Uğur qazanmaq üçün həqiqətən çox yaxşı bir mövsüm keçirməlisən. “Liverpul” dünyanın ən böyük komandalarından biridir. Keçən il çox yaxşı mövsüm keçirdilər, amma təəssüf ki, kubok qazana bilmədilər. Bu mövsüm bir addım irəli gedib, qazanmalıyıq. Ən önəmli hədəfimiz də budur. Uğurlu olmaq üçün kuboklar əldə etməliyik”.