“Mən, Buffon və Çex - futbolun son rok-ulduzlarıyıq”

“Portu”nun qapıçısı İker Kasilyas maraqlı açıqlamaları ilə diqqət çəkib.

Futbolxeber.az saytının “Marca”ya istinadən verdiyi məlumata görə, 37 yaşlı qapıçı hələ də futboldan zövq aldığını bildirib:

“Mən, Buffon və Çex - futbolun son rok-ulduzlarıyıq. Avropada çıxış edən ən yaşlı futbolçular məhz bizik.

37 yaş artıq karyeranın sonudur. Ona görə də qalan hər dəqiqədən zövq almaq lazımdı. Yaxşı dieta və çoxlu istirahət mənə bu yaşda da oynamağa imkan verir”.

Kasilyas vaxtı ilə münaqişə yaşadığı Joze Mourinyo ilə bağlı suala cavab verməyib:

“5 və ya 6 ildən sonra bunu müzakirə etmək absurddur”.

Qeyd edək ki, məhz Mourinyo ilə aralarında yaşanan problemə görə Kasilyas yetirməsi olduğu və uzun illər çıxış etdiyi “Real”dan ayrılmışdı.