Malta millisinin müdafiəçisi: "Qrupda istənilən komandanı uda bilərik"

"Hesab edirəm ki, bu çətin qrupda istənilən komandanı uda və ya onların hər birinə uduza bilərik".

Futbolxeber.az saytının məlumatına görə, bu sözləri Malta millisinin müdafiəçisi Andrey Aqius yerli mətbuata açıqlamasında deyib.

Millətlər Liqasında Farer adaları və Azərbaycanla keçiriləcək oyunlar haqda danışan 32 yaşlı futbolçu qələbə qazanmaq istədiklərini bildirib:

"Fərqli nəsə etməli, reytinqimizi yüksəltməliyik. Artıq qələbə qazanmağın vaxtı çatıb. Bu isə bizim fəlsəfəmizdən və oyunlara necə yanaşmağımızdan asılıdır".

Qeyd edək ki, Millətlər Liqasında ilk oyununu sentyabrın 7-də səfərdə Farer adaları ilə keçirəcək Malta seçməsi 3 gün sonra isə doğma meydanda millimizi qəbul edəcək.