Braziliya və Belçika 1/4 finalda

DÇ-2018-in daha iki 1/8 final oyunu keçirilib.

Futbolxeber.az saytının məlumatına görə, ilk olaraq mundialın favoritlərindən Braziliya və Almaniyanı qrupda saxlayan Meksika qarşılaşıb. 2:0 hesabı ilə qalib gələn Braziliya növbəti mərhələyə yüksəlib.

Digər matçda isə Belçika Yaponiya ilə üz-üzə gəlib. Bu qarşılaşmanın aşkar favoriti avropalılar olsa da, Asiya təmsilçisi oyunun gedişində üstünlüyü ələ alıb və 2 top fərqi ilə hesabda irəli çıxıb. Ancaq toparlalan Belçika yığması 3 qol vurmaqla əzmkar qələbə qazanıb və 1/4 finala adlayıb.

Beləliklə, Braziliya və Belçika 1/4 final mərhələsində üz-üzə gələcəklər.

Dünya çempionatı

1/8 final mərhələsi

2 iyul

Belçika - Yaponiya - 3:2

Qollar: Xaraquti,48 (0:1), İnui, 52 (0:2), Vertongen, 70 (1:2), Fellaini, 74 (2:2), Naser Şadli, 90+4 (3:2)

Baş hakim: Malanq Dyediu (Seneqal)

Rostov. “Rostov Arena”

Braziliya - Meksika - 2:0

Qollar: Neymar, 51, Firmino, 88

Baş hakim: Canluka Rokki (İtaliya)

Samara. “Kosmos Arena”

30 iyun

Uruqvay - Portuqaliya - 2:1

Fransa - Argentina - 4:3

1 iyul

İspaniya - Rusiya - 1:1 pen-2:4

Xorvatiya - Danimarka - 1:1 pen-3:2