Dünya çempionatında erkən final

Dünya çempionatında 1/8 final mərhələsinin daha 2 cütlüyü müəyyənləşib.

Futbolxeber.az saytının məlumatına görə, C qrupunun qalibi Fransa 1/8 finalda D qrupunun ikincisi Argentina ilə üz-üzə gələcək. Samarada keçiriləcək bu görüşü erkən final da adlandırmaq mümkündür. Qarşılaşma iyunun 30-da keçiriləcək. Fransa - Argentina qarşıdurmasında sevinən tərəf 1/4 finalda ya Uruqvay, ya da Portuqaliya ilə görüşəcək.

D qrupunun qalibi Xorvatiya isə 1/4 finala adlamaq üçün C qrupunun ikincisi olan Danimarka ilə qarşılaşacaq. Bu matç iyulun 1-də Sankt-Peterburqda baş tutacaq. Sınaqdan üzüağ çıxan tərəf 1/4 finalda İspaniya - Rusiya cütünün qalibi ilə üz-üzə gələcək.

DÇ-2018, 1/8 final

30 iyun

Uruqvay - Portuqaliya (Soçi)

Fransa - Argentina (Kazan)

1 iyul

İspaniya - Rusiya (Moskva, “Lujniki”)

Xorvatiya - Danimarka (Nijni-Novqorod)

2 iyul

E qrupunun qalibi - F qrupunun ikincisi (Samara)

G qrupunun qalibi - H qrupunun ikincisi (Rostov)

3 iyul

F qrupunun qalibi - E qrupunun ikincisi (Sankt-Peterburq)

H qrupunun qalibi - G qrupunun ikincisi (Moskva, “Spartak”)