"Qələbəni ona həsr edirik"

Kolumbiya millisinin baş məşqçisi Xose Pekerman Polşa üzərindəki qələbə haqda danışıb.

Futbolxeber.az saytının məlumatına görə, matçdan sonra keçirilən mətbuat konfransında danışan Pekerman qələbəni Yaponiya ilə matçın ilk dəqiqələrində qırmızı vərəqə alaraq tənqid atəşinə tuş gələn Karlos Sançesə hədiyyə etdiklərini bildirib:

“Öncə Karlos Sançes haqda bir neçə söz demək istəyirdim. Son günlər o asan vəziyyətdə deyildi. Biz hamımız onu dəstəkləməyə çalışdıq. Qeydə alınan bu nəticəni də ona həsr edirik. Polşa ilə matç çox vacib idi. Ona örə də çox yaxşı hazırlaşmışdıq. Yavaş-yavaş ən yaxşı formamızı tapmağa çalışırıq. Hər zaman biz bu cür oynamağa çalışmışıq”.