17 il formasını geyindiyi klubdan ayrıldı

İngiltərə millisinin sabiq üzvü Cek Uilşir “Arsenal”dan ayrılıb.

Futbolxeber.az saytının məlumatına görə, Uilşir bu barədə şəxsi instagram hesabında paylaşıb. O, London klubundan ayrılması haqda bunları da yazıb:

“Arsenal”dan ayrıldığımı təsdiqləyə bilərəm. İyun ayında bu klubla müqaviləm başa açtır. Klub rəhbərliyi və Unai Emeri ilə danışdıq. Hiss etdim ki, mənim başqa yolum qalmır, ona görə ayrıldım. Yeni müqavilə barədə həm özüm, həm də agentim danışıq apardı.

Ancaq sonda bu qərarı aldıq. “Arsenal”ın oyunçusu kimi qalmaq istəyirdim. Klubda 17 il keçirmişəm və hər zaman da bu klubun bir parçası kimi görmüşəm özümü. Ancaq karyeramı başqa klubda davam etdirəcəm”.

İngiltərə mətbuatının məlumatına görə, Uilşirlə İngiltərə Premyer Liqasından və İtaliya A seriyasından maraqlanan klublar var.