DÇ-2018: Portuqaliya İspaniyaya uduzmadı

Rusiyada keçirilən dünya çempionatında bu gün daha 3 oyun keçirilib. 

Futbolxeber.az saytının məlumatına görə, günün ilk matçı ilə “A” qrupunda birinci tura yekun vurulub. Yekaterinburqda Misir və Uruqvay milliləri üz-üzə gəlib. Uruqvay son dəqiqə qolu ilə qalib gəlib.

“B” qrupunun ilk matçında Mərakeş İranı sınağa çəkib. Sankt-Peterburqda keçirilən və Cüneyt Çakır idarə etdiyi görüşdə də bir qol vurulub. Mərakeş millisinin forvardı avtoqolla İrana qələbə qazandırıb.

İkinci oyun gününün sonra matçında isə azarkeşlər Portuqaliya - İspaniya qarşılaşmasına tamaşa edib. Xulen Lopoteginin qovulmasından sonra İspaniya millisinin baş məşqçisi təyin olunan Fernando Yerro Portuqaliya ilə görüşdə yeni vəzifəsində debüt edib. İspaniya qələbə yaxın olsa da, Kriştiano Ronaldo het-trik edərək komandasını məğlubiyyətdən xilas edib.

DÇ-2018

15 iyun

A qrupu

Misir - Uruqvay 0:1

Qol: Ximenez, 90

Baş hakim: Byorn Kuypers (Hollandiya)

Yekaterinburq, Mərkəzi stadion

B qrupu

Mərakeş - İran 0:1

Qol: Buhadduz, 90+5 (avtoqol)

Baş hakim: Cüneyt Çakır (Türkiyə)

"Sankt-Peterburq" stadionu

Portuqaliya - İspaniya 3:3

Qollar: Ronaldo, 4 (p), 44, 88 - D.Koşta, 23, 52, Naço, 58

Baş hakim: Canluka Rokki (İtaliya)

Soçi, "Fişt" stadionu