Bultuis: "Qəbələ"yə keçidim tamamilə maliyyəylə bağlı məsələ idi"

“Mənim üçün futbol daha önəmlidir. Yaxşı oyun göstərmək vacibdi”.

 

Futbolxeber.az saytının məlumatına görə, bu sözləri “Qəbələ”dən ayrılaraq Hollandiyanın “Herenveen” klubuna keçən müdafiəçi Deyv Bultuis deyib.

 

Hollandiyalı sol cinah müdafiəçisi ölkəmizdə keçirdiyi günləri xatırlayıb: “Azərbaycanda oynamaq fərqlidi. Çünki burada bu idman növünə heyranlıq yoxdu. Çempionat oyunlarına maksimum 500-1000 nəfər adam gəlir. Bu da mənim üçün qərinə idi. Həyat isə yaxşıdır. Bakı böyük şəhərdir və havalar çox yaxşı keçir. Futbol isə Qərbi Avropada oynanılan futbola oxşamır. Ona görə də geri döndüyümə sevinirəm. Amma orada xeyli vaxt itirdim”.

 

Bultuis “Qəbələ”yə keçidinin də səbəblərini açıqlayıb: “Mən burada yalan söyləmək məcburiyyətində deyiləm. “Qəbələ”yə keçidim tamamilə maliyyəylə bağlı məsələ idi. Keçdim və indi “Herenveen”də oynayacağım üçün xoşbəxtəm. Amma heç bir şeyə peşman deyiləm”.