Buffon: “Yuventus” bu il ÇL-i qazansa, karyeramı bitirməyəcəyəm”

“Yuventus”un və İtaliya millisinin qapıçısı Canluici Buffon gələcək karyerası haqda danışıb.

Futbolxeber.az saytının “Sky Sport İtalia”ya istinadən verdiyi məlumata görə, mövsümün sonunda karyerasını bitirəcəyini bəyan edən 39 yaşlı qolkiper fikrindən daşına biləcəyini vurğulayıb:

“Bu, mənim sonuncu mövsümümdür. Qərarımda tam əminəm. 1 və ya 2 mövsüm daha çox oynamaqla qazandıqlarıma nəsə əlavə edəcəyimə inanmıram.

Sakitəm və məni gözləyən gələcəkdən narahat deyiləm. Karyeramı başa vurduqdan sonra da böyük istəklə çalışacağam.

Fikrimi yalnız bir halda dəyişə bilərəm. “Yuventus” bu il ÇL-i qazansa, karyeramı bitirməyəcəyəm. Çünki bu halda Klublararası Dünya çempionatında oynamalı olacağıq. Bəlkə də Şçesnı mənə o turnirdə çıxış etməyimə razılıq verər. Düşünürəm ki, komandada məni əvəzləyəcək güclü qapıçı var”.