"Qarabağ"ı autsayder saymırıq"

"Qarşıda Çempionlar Liqası oyunumuz var. Hər kəs “Qarabağ”ı qrupun autsayderi sayır. Lakin biz belə düşünmürük".

 

Futbolxeber.az xəbər verir ki, bu fikirləri "Qarabağ"ın Çempionlar Liqasının debütündə rəqibi olan "Çelsi"nin baş məşqçisi Antonio Konte bildirib. İtaliyalı mütəxəssis Azərbaycan çempionunun qrupa düşmək uğrunda son mübarizədə güclü rəqibi sıradan çıxartdığına diqqət yetirib: "Qarabağ" pley-offda ötən il qrupda mübariz keyfiyyətlər nümayiş etdirən “Kopenhagen”i sıradan çıxarıb. Bu da Azərbaycan təmsilçisinin gücündən xəbər verir. Kifayət qədər güclü futbolçuları var. Topla oynamağı xoşlayan komandadır".

 

Kontenin fikrincə, sabah evdə qarşılşacaqları təmsilçimizin sol cinahdan edilən hücumları rəqiblərə çətinlik yaradır: "Yarımmüdafiə xətti də yüksək səviyyədədir. Xüsusilə də Miçel-Qarayev-Almeyda üçlüyünü qeyd edə bilərəm. Bir sözlə, bizi çətin oyun gözləyir. İlk turda 3 xal çox vacibdi".