"Ndlovu dünyanın ən yaxşı liqasında oynamır"

Cənubi Afrika millisinin baş məşqçisi Stüart Bakster "Qarabağ"ın üzvü Dino Ndlovunun milli komandaya dəvət almamasından danışıb.

Futbolxeber.az xəbər verir ki, o, yerli mətbuata açıqlamasında bunun səbəbini belə izah edib: "Əvvəl də demişdim ki, Ndlovu dünyanın ən yaxşı liqasında oynamır. Lakin o qol vurursa, bu adama güvən verir. Bir səbəb də deyim ki, mən onu Çempionlar Liqasında izləməmişəm. Amma o liqa çox güclü liqadır. "Yuventus"un məşhur skautu onun "Kopenhagen"ə qarşı oyununu izləmişdi və mənə dəqiq hesabat verdi. İlk oyundan sonra Dino ilə əlaqə saxladım və söhbət etdik. Onun milliyə çağırılmağa yaxın olduğunu söylədim. Ona bildirdim ki, Kapo Verde kampında olmayacaq. Çünki heyətin 2-ci oyundan sonra açıqlandığını izah etdim. Əgər biz yoldaşlıq görüşündən sonra DÇ seçmə mərhələ matçı oynasaydıq, Dinonu heyətdə görmək istəyərdim. Lakin onu təzyiq altına atmaq istəmirəm".