İsrafilovun komandasından La Liqaya yolunda vacib qələbə

İspaniya ikinci liqasında pley-off oyunları davam edir.

Futbolxeber.az saytının məlumatına görə, milli komandamızın üzvü Eddi İsrafilovun formasını geydiyi “Kadis” La Liqaya yüksəlmək uğrunda ilk pley-off matçında öz meydanında “Tenerife”ni qəbul edib.

İsrafilovun adı matçın protokoluna daxil edilməyib. Görüş “Kadis”in 1:0 hesablı qələbəsi ilə yekunlaşıb. İyunun 18-də komandalar arasında cavab görüşü keçiriləcək.

Eddinin komandası ilk matçdakı qələbə hesabını qoruya bilsə, La Liqaya yüksəlmək uğrunda həlledici matçda “Hueska” - “Hetafe” cütünün qalibi ilə görüşəcək ki, bu komandalar arasında ilk görüş 2:2 hesabı ilə başa çatıb.