Çin klubundan azərbaycanlı futbolçuya təklif

Azərbaycan əsilli futbolçusu Aleksandr Səmədov karyerasını Çində davam etdirə bilərmiş. Futbolxeber.az-ın məlumatına görə, bu barədə 32 yaşlı yarımmüdafiəçinin özü məlumat verib.

 

Hazırda Moskva “Spartak”ında çıxış edən təcrübəli oyunçu asiyalıların təklifini qəbul etmədiyini bildirib: “Hardasa bir il əvvəl mənə zəng edib  Çin klubundan təklif olduğunu dedilər. Mən də “yox” cavabı verdim. Çox futbolçu pula görə Çinə üz tutub. Hər kəsin öz seçimi var. 2005-ci ildə isə idman direktoru "Sevilya" ilə oyunöncəsi bildirdi ki, ispaniyalı nümayəndələr sənin oyununu izləyəcklər. Təəccüblənsəm də, öz-özümə dedim ki, İspaniya mənim nəyimə lazımdı? Mənə elə burada da yaxşıdı”.

 

Qeyd edək ki, Rusiyada doğulub-böyüyən Səmədov elə bu ölkənin də milli komandasında çıxış edir.