Arsen Vengerin darmadağın şərhi: “Kabus idi”

Ötən gün UEFA Çempionlar Liqasında 1/8 final mərhələsinin ilk oyunları keçirilib.

 

Futbolxeber.az-ın məlumatına görə, "Arsenal" (İngiltərə) səfərdə "Bavariya"ya (Almaniya) 1:5 hesabı ilə uduzub. Matçdan sonra qonaq komandanın baş məşqçisi Arsen Venger böyükhesablı məğlubiyyəti belə şərh edib:  

 

"Qəribə oyun alındı. İlk yarıda yaxşı oynadıq və iki qol imkanı yaratdıq. Amma 53 və 56-cı dəqiqələrdə qol buraxdıq. İki qolu qısa müddətdə qapımızda görməyimiz işimizi çətinləşdirdi. Matçı təhlil etmək lazımdır. Bu iki qola qədər kifayət qədər yaxşı idik. Oyunun gedişinə nəzarət edirdik. Son 25 dəqiqə bizim üçün kabus idi. Görünən o idi ki, “Bavariya”ya cavab verəcək gücdə deyildik. Bu, çox pis nəticədir. Ancaq bununla barışmalıyıq".