Balotelli: “İtaliyaya yalnız “Milan”a görə qayıdaram”

“Nitsa”nın hücumçusu Mario Balotelli gələcək karyerası haqda danışıb.

Futbolxeber.az saytının məlumatına görə, təcrübəli forvard “Qızıl top”u qazanmaq ehtimalından da söz açıb: “İndi daha çox oynamaq imkanı qazanmışam. Buna görə də tez-tez fərqlənirəm. Halbuki ötən mövsüm demək olar ki meydana çıxmamışdım. Zədə səbəbindən xeyli müddətdən futboldan kənarda qalmışdım.

Hazırda dünya futbolunda Messi və Ronaldo hegemonluq edir. Lakin düşünürəm ki, 1 mövsüm istədiyim kimi oynasam, zədələnməsəm, mənim də “Qızıl top”u qazanmaq şansım olacaq.

Hər zaman “Milan”ın pərəstişkarı olmuşam. Baxmayaraq ki, “İnter”də də çıxış etmişəm. Amma İtaliyaya qayıtsam, ancaq “Milan”da oynayaram. Bu, gələcəyin işidir. Hazırda hədəfim Fransa çempionu olmaqdı”.