“Sent-Etyen” Bakıya 1 xalla gəlir

Fransa çempionatında 11-ci turun oyunları keçirilir.

Futbolxeber.az saytının məlumatına görə, Avroliqanın qrup mərhələsində “Qəbələ”nin rəqibi olan “Sent-Etyen” öz meydanında “Monako”nu qəbul edib.

Matç 1:1 hesabı ilə yekunlaşıb. Artıq 5-ci dəqiqədə qapısında qol görən “Sent-Etyen”, 18-ci dəqiqədə Perrinin vurduğu qolla məğlubiyyətdən qaçıb.

Bu heç-heçə sayəsində xallarının sayının 17-yə çatdıran “Sent-Etyen” turnir cədvəlində altıncı pillədə qərarlaşıb.

Qeyd edək ki, Fransa təmsilçisi Avroliqanın qrup mərhələsinin dördüncü turu çərçivəsində oktyabrın 3-də Bakıda “Qəbələ”nin qonağı olacaq.