Nazarov Bakıya məğlub gəlir

Almaniya ikinci Bundesliqasında üçüncü turun oyunları keçirilir.

Futbolxeber.az saytının məlumatına görə, millimizin üzvü Dmitri Nazarovun formasını geydiyi “Aue” səfərdə “Qreyter Fürt”lə qarşılaşıb. Meydana start heyətində çıxan Nazarov 59-cu dəqiqədə əvəzlənib.

Matç onun komandasının 2:3 hesablı məğlubiyyətli ilə başa çatıb. Bununla da “Aue” üçüncü turda ikinci məğlubiyyətini alıb. 3 turdan sonra aktivində 3 xal olan Nazarovun komandası 10-cu pillədə qərarlaşıb.

Qeyd edək ki, bu görüşdən sonra Dmitri Nazarov Bakıya gələcək və San Marino ilə oyuna hazırlaşan yığmamızın düşərgəsinə qoşulacaq.