Ronaldo: “Almaniya və Fransa favoritdir, İtaliya ilə İspaniyanı da unutmaq olmaz”

Kriştianu Ronaldo qarşıdakı Avropa çempionatı barədə danışıb. Futbolxeber.az saytının məlumatına görə, qrupdakı rəqiblərini dəyərləndirən portuqaliyalı ulduz favoritlərdən də söz açıb: “Fransanın çox güclü heyəti var. Onlar Avropa çempionu olmağa qadirdilər. Son dünya çempionu almanları da qeyd etmək lazımdır. Bu komanda hər turnirin favoriti olur. Eləcə də İtaliya və İspaniya millilərini unutmaq olmaz. Qrupdakı rəqiblərimiz Avstriya, Macarıstan və İslandiyadır. Hər rəqibə qarşı tam gücümüzlə mübarizə aparmalıyıq. Avstriya və Macarıstan güclü rəqiblərdir. Onlar Avropa çempionatında çoxlarını təəccübləndirə bilərlər. İslandiya isə Hollandiyanın uğursuzluğa düçar olduğu qrupdan Avropa çempionatına vəsiqə əldə edib”.