“Bavariya”nın çempionluğu təxirə düşdü

Almaniya Bundesliqasında 32-ci turun oyunları keçirilir. Futbolxeber.az saytının məlumatına görə, çempionatın lideri “Bavariya” öz meydanında Münhenqladbax “Borussiya”sını sınağa çəkib. Matç 1:1 hesabı ilə yekunlaşıb. 6-cı dəqiqədə Müller münhenliləri hesabda önə keçirsə də, 72-ci dəqiqədə Hahnın vurduğu qol “Borussiya”ya 1 xal qazandırıb. Bu xal itkisinə görə, “Bavariya”nın çempionluğu təxirə düşüb.

“Volfsburq”u 5:1 hesabı ilə darmadağın edən Dortmund “Borussiya”sı liderlə xal fərqini 5-ə endirib. Mövsümün sonuna 2 tur qaldığından “Bavariya” artıq növbəti həftə çempionluğunu rəsmiləşdirə bilər.