“Lester”in “Old Trafford”da çempion olmasına imkan verməməliyik”

“Mançester Yunayted”in baş məşqçisi Lui van Qal Premyer Liqanın 36-cı turunda “Lester”ə qarşı keçirəcəkləri oyun haqda danışıb. Futbolxeber.az saytının məlumatına görə, holland mütəxəssis liderlə görüşdə qələbə qazanmalı olduqlarını bildirib: “Hələ də yüksək yerlər uğrunda mübarizəmizi davam etdiririk. Buna görə də “Lester”i mütləq məğlub etməliyik. Onların “Old Trafford”da çempion olmalarına imkan verməməliyik. “Lester” qoy gələn həftə çempionluğu qeyd etsin. Mən “Lester”in çempion ola biləcəyini hamıdan əvvəl demişdim”.