İtaliya “A” seriyasında yeni klub

İtaliya “B” seriyasında 39-cu tur çərçivəsində “Krotone” səfərdə “Modena” ilə heç-heçə oynayıb - 1:1. Futbolxeber.az saytının məlumatına görə, heç-heçə sayəsində “Krotone”nin xallarının sayı 78-ə çatıb. Belədə Kalabriya təmsilçisi üçüncü pillədə qərarlaşan 65 xallı “Trapani” üçün əlçatmaz olub. “B” seriyasında ikinci yeri tutmaqla “Krotone” tarixində ilk dəfə “A” seriyasında çıxış etmək hüququ qazanıb.

1923-cü ildə yaradılan komandanın buna qədər ən yaxşı nəticəsi “B” seriyasında 9-cu yeri tutmaq olub (2000/2001, 2005/2006).