Ceyms Vardi valideynlərini toyuna dəvət etmədi

“Lester”in hücumçusu Ceyms Vardi yenə mətbuatın gündəmini zəbt edib. Futbolxeber.az saytının məlumatına görə, 29 yaşlı forvard bu dəfə oyunu ilə deyil, şəxsi həyatı ilə diqqətləri üzərinə cəlb edib. Belə ki, bu günlərdə “Lester”in forvardı ailə həyatı qoyub. Ceyms Vardi Bekki Nikolsonla evlənib. Cütlüyün artıq uşaqları da var. Buna baxmayaraq, ingilis hücumçunun valideynləri oğullarının Nikolsonla nigaha daxil olmasına qarşı çıxıblar. Bekki Nikolsonun daha əvvəldən fərqli kişilərdən 2 övladının olması Vardinin valideynlərinin ürəyincə deyil. Amma futbolçu valideynlərini deyil, sevdiyi qadını seçib. Bir müddətdir atalığı və anası ilə danışmayan futbolçu onları toyuna da dəvət etməyib.