“Lester”in ÇL-in qrup mərhələsində oynayacağı dəqiqləşdi!

“Lester”in cari mövsüm Premyer Liqada medal qazanması rəsmiləşib. Futbolxeber.az saytının məlumatına görə, dünən 27-ci turdan təxirə salınan oyunda “Mançester Siti” səfərdə “Nyukasl”la bərabərə qalıb - 1:1. Bu nəticə sayəsində “Lester”in cari mövsümü ən pis halda üçüncü yerdə başa vuracağı, bununla da növbəti mövsümdə Çempionlar Liqasının qrup mərhələsində oynayacağı dəqiqləşib. Klaudio Ranyerinin komandası qarşıdakı mövsümdə qitənin ən nüfuzlu klub turnirində debüt edəcək.

Qeyd edək ki, sona 4 tur qalmış Premyer Liqanın vahid lideri olan “Lester” ən yaxın izləyicisi “Tottenhem”i 5 xal qabaqlayır.