“Böyük beşlik”də ən çox uzun ötürmədən istifadə edən klub hansıdır?

“CIES Football Observatory” agentliyi “Böyük beşlik” ölkələrinin çempionatlarında klubların uzun ötürmələrdən nə qədər istifadə etməsi ilə bağlı araşdırma aparıb. Futbolxeber.az saytının məlumatına görə, İngiltərə Premyer Liqasında bu baxımdan lider “Lester”dir. Klaudio Ranyerinin komandasının ötürmələrinin 6,9 faizi uzun toplardır. Bu göstərici ilə “Lester” Avropada üçüncüdür.

Lider Bundesliqada mübarizə aparan “Darmştadt”dır (10,7%). İkinci yeri isə 7,8 faizlə digər Almaniya təmsilçisi “İnqolştadt” tutur.

İspaniyada uzun ötürmələrin sayına görə lider “Eybar” (6,6%), İtaliyada “Frozinone” (6,3%), Fransada isə “Bastiya”dır (6,2%).

Maraqlıdır ki, “Böyüş beşlik”də uzun ötürmələrdən ən az istifadə edən klublar PSJ və “Bavariya”dır (1,1%). “Barselona”da bu göstərici 1,4 faiz, “Yuventus”da 1,6 faiz, “Mançester Siti”də isə 2,4 faizdir.