“Barselona”dan son 13 ilin ən uğursuz göstərici

La Liqanın 33-cü turunda “Barselona” öz meydanında “Valensiya”ya 1:2 hesabı ilə uduzub. Futbolxeber.az saytının məlumatına görə, bununla da Kataloniya klubu ardıcıl üçüncü dəfə ölkə çempionatının oyununda xala həsrət qalıb. Sonuncu dəfə “Barselona” belə vəziyyətlə 2003-cü ildə rastlaşıb.

Ardıcıl məğlubiyyətlərdən sonra “Barsa”nın çempionluğu şübhə altında düşüb. Hazırda katalonlarla Madrid “Atletiko”sunun aktivindəki xalların sayı eynidir (76). Üçüncü pillədə qərarlaşan “Real” isə 75 xala sahibdir.

Qeyd edək ki, “Barselona” ümumilikdə son 5 oyundan 4-də uduzub.