AZAL-ın möhtəşəm qolunun müəllifi: “Avroliqa haqda danışmaq istəmirəm”

“Gözlədiyimiz kimi çətin oyun oldu. Şadam ki qələbə qazandıq”. Futbolxeber.az saytına açıqlamasında bu sözləri AZAL-ın üzvü Tural Hümbətov deyib.

Vurduğu möhtəşəm qolla komandasına qələbə qazandıran gənc müdafiəçi qələbəni belə şərh edib: “Komandamın qələbəsində pay sahibi olduğu üçün sevinirəm. Vurduğum qolu bacıma həsr edirəmn. Çünki dünən o, ailə həyatı qurub. Mən özüm də toyda olmuşam. Yalnız gecə Sankt-Peterburqdan qayıtmışam. Bu gün 3 xal qazandığımız üçün sevinirəm. Amma bu, təkcə mənim yox, komandamın qələbəsidir”.

T. Hümbətov komandasının Avroliqa şansları barədə isə bunları söyləyib: “Avroliqa haqda danışmaq istəmirəm. Biz hər oyuna qələbə üçün çıxırıq. Əlimizdən gələni edirik ki, uğur qazanaq. Qismət olsa, Avroliqada oynayarıq”.