“Milan”a 1,2 milyard avro xərcləmişəm”

“Milan”ın prezidenti Silvio Berluskoni “La Gazzetta dello Sport”a müsahibə verib. Futbolxeber.az-ın məlumatına görə, İtaliyanın sabiq baş naziri 30 il ərzində sahibi olduğu kluba 1,2 milyon avro xərclədiyini bildirib: “Hazırda futbolda böyük pullar dövr edir. Amma geridə qalan illər ərzində biz də yaxşı komanda qura bildiyimizi sübut etmişik. Təbii ki, bunun üçün böyük vəsait ödəmişik. 30 il ərzində “Milan”a 1,2 milyard avro xərcləmişəm. Gələcəkdə də komandanın adından söz etdirməsini istəyirəm. Bunun üçün əcnəbi biznesmenlərlə danışıqlar aparırıq. Daha güclü olmaq üçün əlavə maliyyə vəsaitinə ehtiyac duyuruq”.

“3 ildə 3 məşqçi dəyişmisiz - Zeedorf, İnzagi və Mihayloviç. Çox deyil” sualını “Milan”ın sahibi belə cavablandırıb: “Bunun əvəzində 3 il ərzində “Milan”ın 3 dəfə Çempionlar Liqasında finala yüksəlməsini istərdim”.

Berluskoni sonda daha nə qədər “Milan”a rəhbərlik edəcəyi barədə suala belə cavab verib: “Görək, qarşıdakı 30 ildə nələr baş verəcək”.