“Messi həmin penaltiyə görə üzr istəməlidi, futbolu təhqir etmək olmaz”

İrlandiyalı veteran futbolçu İmon Danfi “Barselona”nın hücumçusu Lionel Messini tənqid edib. Futbolxeber.az-ın məlumatına görə, o, argentinalı futbolçunun “Selta” ilə oyunda yerinə yetirdiyi penaltinin futbol üçün təhqir olduğunu vurğulayıb: “Bu, yolverilməzdi. Rəqiblərə, futbola, tarixə hörmətlə yanaşmaq lazımdı. Bu hərəkəti ilə Messi onu sevənləri məyus etdi. Messi bu hərəkətinə görə dərhal üzr istəməlidi. Baş məşqçi də ona narazılığını bildirməlidi. Futbolu təhqir etmək olmaz. Futbolun ruhu rəqiblərə, həmkarlarına hörmət etməkdədi. Heç kim futbolun özündən vacib ola bilməz. Messi məhz futbolun, onu sevən insanların sayəsində tanınıb, varlanıb”.