“Bizim Pau Qazolumuz Kriştianu Ronaldodur”

“Real”ın baş məşqçisi Rafael Benites La Liqanın növbəti turu çərçivəsində bu gün “Qranada”ya qarşı keçirəcəkləri oyundan danışıb. Futbolxeber.az-ın məlumatına görə, təcrübəli mütəxəssis çıxışı zamanı maraqlı müqayisə də aparıb. Belə ki, Benites “Sizin Pau Qazolunuz kimdir” sualını belə cavablandırıb: “Bizim Pau Qazolumuz Kriştianu Ronaldodur. Mən ona çox güvənirəm. Əminrəm ki, Ronaldo bu mövsüm bizim kuboklar qazanmağımıza yardımçı olacaq. Hələ ki, “Qranada”ya qarşı oynayacaq “ilk 11-liy”i müəyyənləşdirməmişəm. Hər bir oyunçu əsas heyət uğrunda mübarizə aparır. Oyunöncəsi məşqdə də müxtəlif varinatlar üzərində çalışdıq. “Qranada” fiziki cəhətdən güclü komandadır. Üstəlik, hücumda da təhlükəlidirlər. Bir sözlə, bizi heç də asan oyun gözləmir”.