Rusiyada qalmaqala səbəb olan azərbaycanlı futbolçu Avropa çempionatına gedir

19 yaşadək futbolçular arasında Avropa çempionatında çıxış edəcək Rusiya millisinin qitə birinciliyi üçün yekun heyəti açıqlanıb. Futbolxeber.az-ın məlumatına görə, “18-lik”də əslən azərbaycanlı olan “Zenit”in hücumçusu Ramil Şeydayev də var.

Xatırladaq ki, bir müddət əvvəl Şeydayevə görə qalmaqal yaşanmışdı. Belə ki, “Zenit”in baş məşqçisi Villaş-Boaş Şeydayevin komandanın yeni mövsüm öncəsi ilk təlim-məşq toplanışında iştirak etməli olduğunu bildirərək, onun millinin hazırlığına qatlmasına imkan verməyib. Bu isə U-19-un baş məşqçisi Dmitri Xomuxanı qane etmirdi. Yekunda tərəflər ortaq məxrəcə gəldilər. Daha doğrusu, “Zenit”in istədiyi oldu və Şeydayev yığmanın düşərgəsinə yalnız iyulun ilk günündən qatıldı.