İspaniya millisinin keçmiş hücumçusu həbs olundu

İspaniya millisinin keçmiş hücumçusu Xuanele həbs olunub. Futbolxeber.az-ın məlumatına görə, 44 yaşlı futbolçu qarşıdakı 5 ayı dəmir barmaqlıqlar arasında keçirəcək. Xuanelenin sevgilisini beysbol dəyənəyi ilə döyməsi buna səbəb olub. Məhkəmənin qərarına əsasən, sabiq futbolçu qarşıdakı 3 il ərzində keçmiş sevgilisinə 500 metrdən çox yaxınlaşa bilməz.

Qeyd edək ki, Xuanele karyerası ərzində “Tenerife”, “Saraqosa”, “Sportinq” (Xixon) kimi klubların şərəfini qoruyub. İspaniya millisinin heyətində 5 oyunda meydana çıxıb və 2 qol vurub.