FTB FİFA rəsmilərinin həbsinə başladı

Amerika Federal Təhlükəsizlik Bürosunun (FTB) həyata keçirdiyi əməliyyat nəticəsində FİFA-nın bir neçə yüksək vəzifəli rəsmisi dünən gecə Sürixdə saxlanılıb. Futbolxeber.az-ın məlumatına görə, həbslər FİFA prezidentliyinə seçkilər ərəsində aparılıb. Məlumata görə, həbs olunanlar arasında FİFA prezidenti Yozef Blatter yoxdu. Həbslər FTB-nin 3 illik araşdırmasının nəticəsidir.  

“The New York Times” yazır ki, araşdırma 1990-cı illərin əvvəlində baş vermiş rüşvət hadisələri ilə əlaqədardır. Həbs olunanların hamısı ABŞ-a ekstradisya olunacaqlar. Hələlik saxlanılanlardan 3 nəfərin adı açıqlanıb. Bunlar Euqenio Fiqueredo, Kosta-Rika nümayəndəsi Eduardo Li və Trinidad və Tobaqodan olan Cek Uornerdir.

Həbs olunanların sayı haqda dəqiq məlumat yoxdur. CNN 14 yazır, “Associated Press” 6 nəfərin həbs olunduğu qeyd edir, “Bloomberg” isə vurğulayıb ki, saxlanılanların sayı 10-dan az deyil.