“Real”ın yeni baş məşqçisi Benites olacaq

“Napoli”nin çalışdırıcısı Rafael Benites yeni mövsümdən etibarən “Real”ı çalışdıracaq. Futbolxeber.az-ın “Sky Sport Italia”ya istinadən verdiyi məlumata görə, 55 yaşlı mütəxəssisin meneceri ilə “Kral klubu”nun nümayəndələri arasında aparılan danışıqlar müsbət yekunlaşmaq üzrədir. Məlumatda o da qeyd olunur ki, Benites “Real”a görə bu günlərdə “Vest Hem”in təklifini geri çevirib.

Madrid klubunun prezidenti Florentino Peres ilk dəfə 2009-cu ildə Benitesə təklif göndərib. Lakin həmin vaxt ispan mütəxəssis “Liverpul”da qalmağa üstünlük verib. Bu dəfə isə təyinat reallaşmaq üzrədir.

Qeyd edək ki, bazar günü Karlo Ançelottinin “Real”dan ayrılacağı rəsmən açıqlanacaq.