“Yuventus” çempion!

İtaliya “A” seriyasında 34-cü tura start verilib. Futbolxeber.az-ın məlumatına görə, turun açılış matçında “Yuventus” səfərdə “Sampdoriya”nın qonağı olub. Matç “Qoca Sinyora”nın 1:0 hesablı qələbəsi ilə başa çatıb. Görüşün taleyini həll edən yeganə qolu 32-ci dəqiqədə Arturo Vidal vurub. Bu qələbə sayəsində xallarının sayını 79-a çatdıran “Yuventus” çempionluğunu rəsmiləşdirib.

Qeyd edək ki, bu rəsmi olaraq Turin klubunun qazandığı 31-ci Skudettodur. “Yuve” 33 dəfə çempion olsa da, sonradan komanda cəzalandığından 2 Skudetto komandanın hesabından silinib.