Antonio Konte İtaliya millisindən gedir?

Antonio Konte İtaliya milli komandasından ayrıla bilər. Futbolxeber.az-ın “Football Italia”ya istinadən verdiyi məlumata görə, 45 yaşlı mütəxəssis “A” seriyasının klublarından narazıdır. Belə ki, müqavilə imzalayarkən federasiya rəhbərliyi Konteyə onun üçün hər cür şərait yaradılacağını bildirsələr də, indi vədlərə əməl edilmir. Konte martda keçiriləcək yoxlama oyunundan öncə futbolçuları sərəncamında görmək istəsə də, “A” seriyasının təmsilçiləri həmin vaxt təlim-məşq toplanışının keçirilməsinə razı deyillər.

Qeyd edək ki, dekabrın 16-da Konte klub məşqçiləri və federasiya rəsmiləri ilə bir araya gələcək. Həmin iclasda qəbul ediləcək qərarlar Kontenin İtaliya yığmasından gedişi ilə nəticələnə bilər.